Dous podios para o Club Atletismo A Gándara de Monforte

Os irmáns Carlos e Paloma López Moral acadaron prata e bronce nas súas respectivas categorías no Cross Ponte Romana de Lugo o pasado 24 de novembro.

Carlos López Moral, segundo posto. Foto: Club Atletismo A Gándara

O Club de Atletismo A Gándara desprazou a 24 atletas o domingo a Lugo, onde destacaron as medallas obtidas por Carlos e Paloma, pero tamén o cuarto posto no Cross Popular obtido por Manuel Besteiro “Manolito”, tendo en conta que o Cross Ponte Romana pertence á Liga ADOC, onde están os mellores cross do estado.

A competición continuará esta vindeira fin de semana en Portomarín onde comenza a competición do Xogade para as máis pequenas do club e o campionato provincial para as categorías de maiores. O Club de Atletismo da Gándará desprazará 36 atletas o domingo a Portomarín.

Paloma López Moral, bronce. Foto: Club Atletismo A Gándara

DEIXAR UN COMENTARIO

Please enter your comment!
Please enter your name here