HomeDeportesA Vuelta Junior Cofidis o 11 de xullo en Monforte

A Vuelta Junior Cofidis o 11 de xullo en Monforte

A xornada diríxese a nenos e nenas de 8 a 11 anos, que participarán en charlas e sesións prácticas ao aire libre sobre educación vial, ciclismo e hábitos de vida saudable.

Publicado o

POR
Redacción
- Advertisement -

O domingo, 11 de xullo, celebrarase en Monforte a “Aula Ciclista-Bike Park”, que forma parte da Vuelta Junior Cofidis, e é un evento enmarcado dentro dos actos e actividades promocionais da Vuelta a España 2021. A actividade terá lugar na Praza da Compañía en horario de 11:00 a 14:00 e de 16:00 a 20:00 h. 

Este evento diríxese a nenos e nenas de 3º, 4º, 5º e 6º de Primaria, motivo polo cal “hoxe iniciamos dende o Concello de Monforte, en colaboración cos organizadores da Volta a España, unha campaña de difusión de este evento entre os centros educativos da nosa cidade, co fin de conseguir o maior número de participantes”, salienta o Alcalde.

Aula Ciclista-Bike Park consistirá nunha aula de ciclismo onde se impartirán contidos teóricos sobre seguridade vial, alimentación, medio ambiente e mecánica da bicicleta, e contidos prácticos que se levarán a cabo nun circuíto de habilidades e manexo da bicicleta. Ademais, dende a organización do evento, repartiranse numerosos agasallos entre as persoas asistentes. A actividade contará con protocolo específico de prevención do contaxio por COVID-19.

Todas as persoas asistentes terán opción de ser seleccionadas para participar na Vuelta Junior Cofidis, que terá lugar o día 3 de setembro, día no que finaliza a etapa número 19 da Volta a España 2021 entre Tapia de Casariego e Monforte de Lemos. Ese día, os nenos e nenas participantes terán a oportunidade de vivir dende dentro o ambiente profesional do evento, realizar un tramo do percorrido entrando na meta do mesmo xeito que o van a facer os corredores minutos máis tarde, e incluso subir ó podio cos gañadores da etapa.

“Dende o Concello”, subliña o Alcalde, “agardamos que sexan moitos os nenos e nenas monfortinos os que se animen a participar nesta actividade, pois a través desta aula ciclista, aprenderán e porán en práctica valores como o respecto, o esforzo e o traballo en equipo, á vez que se divertirán, nunha xornada familiar e festiva, que estou seguro será todo un éxito”.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...