Noa Díaz e Ximena Prats, oitava e novena no Campionato de Europa

As palistas monfortinas veñen de rematar a competición despois de deixar o pavillón do Quixós moi alto.

Noa e Ximena antes da competición europea. Foto: Quixós

Estas dúas piragüistas, ademais de quedar entre as dez mellores de Europa no campionato celebrado en Sabero –León–, veñen de acadar o oitavo e o noveno posto competindo na categoría sénior, unha superior pois aínda son cadetes.

Moito mérito, pois, para estas dúas promesas do Club Quixós de Monforte, un club que segue formando grandes deportistas do piragüismo, traballando dende as categorías máis baixas, con constancia e moita ilusión.

E como a competición non para, xa están prácticamente cargando as piraguas para emprender camiño cara Dumbría este domingo15 de agosto, lugar onde se celebrará a IV Competición da Liga Galega Promoción Slalom 2021. Ata ese concello achegaranse 14 deportistas das categorías alevín, prebenxamín, benxamín e infantil.

DEIXAR UN COMENTARIO

Please enter your comment!
Please enter your name here