HomeDeportesO club de piragüismo Quixós campión Galego de Promoción Slalom

O club de piragüismo Quixós campión Galego de Promoción Slalom

Este domingo, 26 de setembro, participaba na competición final da liga e ao mesmo tempo campionato galego nas augas do río Tea en Mondariz. Éxito rotundo con 7 campións/oas galegos/as e título ao mellor equipo de Galicia.

Publicado o

POR
Redacción
- Advertisement -

A praia fluvial do Val, en Mondariz, acollía na xornada do 26 de setembro a última proba para os/as participantes da Promoción Slalom galega 2021. Unha competición que se presentaba así mesmo como ‘Campionato Galego de Promoción Slalom’.

As augas calmas, pero moi duras, do río Tea, foron testemuñas dunha moi nutrida participación e dun novo éxito do Quixós. Tras dúas mangas, nas que se superaron os cen participantes, o club monfortino pode presumir de colocar a 7 piragüistas como os mellores de Galicia e de acadar o título de mellor equipo.

Podium por equipos. Santi, director técnico do Quixós, no 1º caixón / XMF

Como campións/campioas galegos/as quedaron: Jacobo en K1 e C1 infantil, Nerea en K1 infantil, Martín Prats en K1 alevín, Xoel Fernández en K1 benxamín, Antón Liñares e Abril Fernández en K1 prebenxamín.

Cómpre destacar tamén as medallas de prata para: Nerea en C1 infantil, Sara Inés en K1 e C1 alevín, Martín Prats en C1 alevín e Mateo en K1 prebenxamín.

E xa para rematar o reparto de medallas entre os padexeiros/as do Quixós, mencionar os 3 bronces acadados por: Marco Rodríguez en K1 prebenxamín, Rodrigo Morillo en K1 benxamín e Mara Ledo en K1 alevín.

Un momento da competición con Xoel Fernández, do club Quixós. Foto: Marga M.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...