Quedada de motos o 20 de marzo no Estase Cocendo

A Ribeira Sacra continúa en plena celebración do Estase Cocendo 2022, o mes dedicado a un dos pratos estrela da comarca, o cocido de Entroido.

Cocido Galego / lacasagallega.com

O programa do evento, organizado pola Asociación de Empresarios de Hostalería e Turismo de Lugo (Apehl) co patrocinio da Deputación de Lugo, conta para este domingo 20 de marzo coa quedada de motos.

A cargo do guía José Castiñeira, sairá dos Escolapios ás 10:30 horas, fará un percorrido cara a O Courel e Quiroga, localidade onde se comerá un cocido no restaurante Chapakuña 3 (o prezo da comida é de 15 euros), e, xa pola tarde, visitaranse as adegas centenarias de Vilachá de Salvadur, na Pobra do Brollón.

Para participar nesta actividade, tanto na quedada como na comida, fíxase como data límite de inscrición este xoves 17 de marzo a través dos teléfonos 982 412 050 e 639 209 908. Outras das actividades recollidas no programa son o Cocido das Meigas, para o día 26 de marzo, e as visitas guiadas por Monforte, todos os sábados do mes.

DEIXAR UN COMENTARIO

Please enter your comment!
Please enter your name here