Noa Díaz, piragüista do Quixós, estelar na II Copa de España de augas bravas de Lleida

Terceiro posto por equipos para o club monfortino e un total de 11 medallas individuais.

Noa Díaz no podium. Foto: Quixós

Longa viaxe dos deportistas do Club Quixós a terras catalás para disputar a Copa de España de Piragüismo na modalidade de Sprint e Clásica esta pasada fin de semana.

Viaxe a Lleida que pagou a pena pois na primeira xornada do sábado 2 de abril, en Ponts, acadaron 5 medallas individuais e Noa Díaz estivo a un nivel estelar. A padeeira monfortina acadou 2 medallas de ouro en C-1 e K-1 cadete. Xunto a ela alcanzaron os metais, Efrén cun ouro en C-1 e unha prata en K-1 cadete e Claudio cun segundo posto en C-1 xuvenil.

A expedición monfortina do desprazada a Lleida. Foto: Club Quixós

O domingo 3, na segunda xornada da competición nacional en Camarasa, tiña lugar a modalidade Clásica. Noa foi a primeira en K-1 e en C-1 cadete, Efrén, medalla de ouro en C-1 cadete e Claudio e Gabriel terceiros en C-2 senior. No caso do monfortino Claudio comentar, como curiosidade, que competía só en C-1 junior e foi primeiro, claro. En total 5 medallas máis para a expedición monfortina presente no campionato nacional.

No global das dúas xornadas o Club Quixós quedou terceiro por equipos, un posto moi meritorio que recompensa a constancia e o traballo deste grupo encabezado polo director deportivo Santi Díaz.

Podium por equipos. Foto: Quixós

CONVOCATORIA DEPORTIVA

Santi Díaz coméntanos que Noa e Efrén, as dúas promesas máis destacadas do club, marchan este xoves para os Pirineos convocados pola Federación Galega de Piragüismo.

DEIXAR UN COMENTARIO

Please enter your comment!
Please enter your name here