Adxudicadas obras de mellora na principal vía de comunicación do Saviñao

Cunha achega económica de 397.000 euros acondicionaranse 8 quilómetros da LU-P-4102, estrada con moito tránsito que comunica este concello con Pantón e Currelos.

Estrada Escairón-Currelos / BNG O Saviñao

A Xunta de Goberno da Deputación vén de aprobar a adxudicación da mellora da vía LU-P-4102 no Concello do Saviñao, entre Ferreira e Currelos, estrada que vertebra o norte e sur do municipio.

Os traballos realizaranse en preto de 8 quilómetros, contan cun orzamento de 397.000 euros e o prazo de execución será de 6 meses. Executaranse desde o punto quilométrico 14,500 ata o 22,340 e consistirán na limpeza de cunetas, mellora do firme con aglomerado en quente e incremento da seguridade viaria renovando a sinalización vertical e horizontal. As obras entre Villarreme e Córneas completan a renovación integral da estrada.

A vía de comunicación na que se vai actuar ofrece un servizo de vital importancia para o municipio e caracterízase tamén por ser moi transitada.

DEIXAR UN COMENTARIO

Please enter your comment!
Please enter your name here