O Consello Regulador da D.O. Monterrei fixo de anfitrión para acoller, días atrás, en Verín, unha sesión ordinaria da Xunta Directiva da Asociación de Consellos Reguladores Vitininícolas Galegos e das IXP Augardentes e Licores Tradicionais de Galicia. O obxectivo principal do encontro foi abordar as accións do colectivo encamiñadas a promover as diferentes D.O. e tamén aquelas destinadas á formación que se desevolverán neste 2021.

Entre os presidentes dos CC.RR. vitivinícolas galegos estivo José Manuel Rodríguez, máximo responsable da D.O. Ribeira Sacra.

Ademais das accións devanditas, abordáronse cuestións relativas ao funcionamento interno da asociación, creada no 2019, para o desenvolvemento do proxecto coñecido como “Plan de Promoción Internacional dos Viños e Augardentes Galegos amparados por denominación de orixe” subscrito co IGAPE.