Viño e cereixas en Belesar

Esta fin de semana ten lugar a XIII edición desta celebración que acolle esta fermosa poboación que ten de veciño ao Miño e presume do mellor de dous concellos, Chantada e O Saviñao. A pregoeira será a xornalista Manola Porto.

Belesar separado polo Miño. Fonte GC

Como cada ano por estas datas, dende hai xa trece, Belesar celebra a súa sinxela, pouco coñecida pero fermosa exaltación ao viño e ás cereixas nunha contorna espectacular. Unha cita interesante que propician a Asociación Papeiros e Rabudos e as adegas: Adega Fontao, Adega do Fortes, Adega Terras Bendaña, Adegas Condado de Sequeiras.

Haberá, pois, postos de viño e de cereixas para degustación e compra, actuacións musicais ao longo dos 2 días, postos de olaría, queixo, mel e artesanía. Destacar como cousa curiosa e orixinal o “certame de aturuxos” programado para o domingo ás 17.30 horas.

Cartel anunciador 2018.

Programación

Sábado, 2 de xuño

10:00 h: Apertura de stands

11:00 h: actuación do grupo “Os  Trespés”.

12:00 h: inauguración oficial da feira.

13:30 h: pregón a cargo da xornalista Manola Porto e entrega de galardóns aos confrades do bo viño de Belesar.

20:00 h: festa-verbena co grupo musical ” Meritxell” de Monforte de Lemos.

Domingo, 3 de xuño

11:30 h: actuación do grupo rexional de gaitas “Río Miño”.

13:00 h: sesión vermú co grupo ” Meritxell” de Monforte de Lemos.

17:30 h: certame de ” aturuxos” (Papeiros e  Rabudos)

20:00 h: festa -verbena co grupo ” Meritxell” de Monforte de Lemos.

DEIXAR UN COMENTARIO

Please enter your comment!
Please enter your name here