A cadela de Chantada podería perder dúas patas tras os disparos do seu dono

A propia vida do animal corre perigo, dado que "todo depende da evolución das súas feridas".

Cadela á que disparon e maltrataron en Chantada / Libera

A cadela á que supostamente o seu dono disparou no municipio lucense de Chantada segue ingresada no Hospital Clínico Veterinario Rof Codina, de Lugo, e o seu estado é grave, dado que a causa do disparo e dos golpes que recibiu, podería perder as dúas extremidades dianteiras.

Segundo informaron a EFE fontes do Rof Codina, a propia vida do animal corre perigo, dado que “todo depende da evolución das súas feridas” nas próximas horas. Nestes momentos, está a ser tratada con “antibióticos e analxesia”, pero “nunha das extremidades non sente” e ten unha fractura, polo que, posiblemente, haberá que amputarlle esa pata.

Os veterinarios que a tratan recoñecen que tamén “é posible” que haxa que amputarlle a outra perna dianteira, porque a ferida do disparo está moi mal e tamén ten unha fractura, aínda que neste caso dependerá da súa evolución.

En canto aos seis cachorros que deu a luz, as mesmas fontes confirmaron que se fará cargo do seu coidado a organización Mundo Vivo.

DEIXAR UN COMENTARIO

Please enter your comment!
Please enter your name here