A Consellería do Medio Rural informou dun incendio forestal que permanece activo no municipio lucense de Quiroga. As chamas levan arrasadas máis de 20 hectáreas.
O lume comezou ao redor da medianoite na parroquia de Hospital e, segundo as primeiras estimacións, as hectáreas queimadas xa son máis dunha vintena.
Na extinción deste incendio traballaron ata o momento cinco axentes, 11 brigadas, sete motobombas e unha pa. Medio Rural espera a incorporación de medios aéreos ao longo da mañá deste venres.
