O comité español da UNESCO selecciona a candidatura “Ribeira Sacra, Serras do Oribio e Courel” a Reserva da Biosfera

A conselleira de Medio Ambiente, Ángeles Vázquez, anunciou este mércores no transcurso dunha visita a Chantada, que o comité español da Unesco deu “luz verde” á “candidatura da Ribeira Sacra, Serras do Oribio e Courel” a Reserva da Biosfera

Ribeira Sacra / XdL

Segundo explicou a conselleira aos medios de comunicación, das cinco candidaturas que foron presentadas “a nivel nacional”, o comité español da Unesco só seleccionou “á galega”, que agora terá que superar un último chanzo “no 2021”.

“É unha moi boa noticia”, dixo Vázquez, quen tamén confía en que 2021 sexa “un bo ano” e esa candidatura consiga a declaración definitiva. Ademais, Vázquez destacou que a decisión do comité español, en base ao informe presentado en decembro de 2019, foi por “unanimidade de todos os seus membros”.

A decisión estivo avalada, ademais, polo “informe exhaustivo e rigoroso do comité científico”

DEIXAR UN COMENTARIO

Please enter your comment!
Please enter your name here