A vespa do castiñeiro vén sendo desde hai tempo unha ameaza para os soutos galegos. Para coñecer un pouco máis sobre como afecta e como tratala, Compromiso por Galicia Samos organiza esta actividade. Intervirán Andrés Núñez, Enxeñeiro Técnico Agrícola e José Posada, Conselleiro Delegado de Posada Marrón Glacé.

A avespa chinesa do castiñeiro é considerada a praga máis importante das principais especies de castiñeiro en todo o mundo. Pode provocar perdas de entre o 50 e 100% da produción de castañas e debilita as poboacións e cultivos. A rapidez da súa difusión e o enorme impacto nas árbores fai necesaria a toma de medidas de protección xa que se ven ameazadas as plantacións de castiñeiros e as súas producións.