HomeMovementos sociais'Mulleres mudando o rural', programa para empoderar e reforzar as capacidades das...

‘Mulleres mudando o rural’, programa para empoderar e reforzar as capacidades das mulleres

A Concellería de Igualdade de Monforte, a través do Centro de Información á Muller, desenvolverá un 'Programa de empoderamento e mellora da empregabilidade' dirixido a mulleres con diferentes obradoiros a realizar entre os días 13 de setembro e 4 de decembro deste ano.

Publicado o

- Advertisement -

Co gallo do “Día da Muller Rural”, o vindeiro 15 de outubro, o Concello de Monforte organizará, dende a Concellería de Igualdade e en colaboración co Centro de Información á Muller (CIM), un Programa de empoderamento e mellora da empregabilidade dirixido a mulleres e denominado “Mulleres mudando o Rural”. O desenvolvemento formativo desta acción é responsabilidade da Asociación Sustinea, asociación con sede en Ourense que está especializada en temas de sostenibilidade. Neste programa abordará o empoderamento da muller como aspecto fundamental da súa propia evolución e da dinamización do rural.

O Programa ten unha duración de 20 horas distribuídas en 5 sesións de catro horas en horario de 9:30 h a 13:30 h que se levarán a cabo no Centro Cívico Social (paseo do Malecón, 26) nas seguintes datas:

Venres 13 de setembro: Obradoiro de Crecemento Persoal: Autocoñecemento e autoestima.

Xoves 10 de outubro: Obradoiro de Apoderamento: Orientación sociolaboral, recursos e entrevistas.

Xoves 17 de outubro: Obradoiro de Apoderamento: Orientación sociolaboral, recursos e entrevistas II.

Xoves 21 de novembro: Obradoiro de Ferramentas para a vida: Recursos sociais, xurídicos e dixitais.

Mércores 4 de decembro: Obradoiro “Mulleres Natura”: A figura da muller na emerxencia climática e no desenvolvemento rural.

O obxectivo das diferentes sesións formativas é aumentar a participación social e laboral das mulleres do ámbito rural a través da mellora da súa capacitación profesional. En canto á financiación, esta corre a cargo da Consellería de Política Social da Xunta de Galicia e conta co apoio do Concello de Monforte.

As mulleres interesadas en participar na actividade deben inscribirse no Centro de Información á Muller sito no Centro Cívico Social ou ben chamando ao número 982 416 350.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...