InicioOpiniónAsí viviamos hai un ano a pandemia: A ver que factura pasan...

Así viviamos hai un ano a pandemia: A ver que factura pasan os reecontros

Sempre que falaba co meu avó sobre algo do futuro buscaba definir o que ía pasar, el sempre dicíame -A ver.

Publicado o

- Advertisement -

Diario de desescalada do 17 de maio do 2020:

Poder ver á familia, poder reunirte coas persoas que che importan,… poder volver a “ter contacto” de verdade e non telefónico ou online coa realidade que un quere é un agasallo nestes tempos de Covid19.

Desde que se permitiu ir a unha terraza ata que fun, pasou unha semana. Esta fin de semana abría a terraza do malecón en Monforte; viña de estar na casa, de traer esa comida da nai á que lle fixeras un altar xa na Facultade e despois da Covid19 e dos anos, o altar xa era una catedral… Unha fin de semana de recuperar gran parte de todo o mellor, coas distancias e as normas, pero cando xa son varias persoas é máis difícil de controlar todo. Os resultados desta apertura irémolos vendo co paso dos días.

Anchoas Fase 1 / XdL

Nunha conversa da fin de semana sobre como estaba sendo esta transición dinme, –E que os bares teñen que facer isto, isto e isto e as distancias, e a limpeza, e non poden permitir que a xente non faga as cousas ben e sigan chegando e se enchan as terrazas ata estoupar. 

Uffff, creo que imos mal. Mal fatalSomos aínda nenos de chupete se nos teñen que manexar nos nosos comportamentos cotiás. A responsabilidade de facer as cousas o mellor posible é do bar si, ou do comercio, ou do restaurante pero tamén de cada unha das persoas que utilizamos estos servizos.

Este 17 de maio para min foi o máis especial ata a data. Todo o que poda significar o día das Letras Galegas para unha galega estivo aí: a orixe, as raíces, a base cos mil millóns de matices que iso ten e ese agarimo da túa xente. Non hai máis.

DÍA DAS LETRAS GALEGAS

Este domingo celebramos o Día das Letras Galegas, os actos oficiais desta celebración terán lugar o 31 de outubro, pero hoxe a maioría dos concellos referenciaron esta data dalgún xeito, facendo homenaxe a Ricardo Carvalho Calero ou ben lembrando a apertura das súas bibliotecas. Vemos o traballo de dous concellos, pero a introdución é por conta de Nemesia Fernández, que leva 107 Días das Letras Galegas

A Presidenta de Honra de Némesis Audiovisual tiña feito unha dedicatoria ao grupo RED RIBEIRA SACRA. A avoa lectora da Ribeira Sacra segue incansable coa súa paixón. Sempre é un exemplo vela e escoitala. Na Ribeira Sacra ourensá, o Concello de Castro Caldelas quixo ir máis alá na súa celebración desta xornada, homenaxeando a nosa lingua, O GALEGO! e para elo fixeron un vídeo “resultado da historia viva da nosa vila a través de tantos homes e mulleres que fixeron posible que as “palabras” perduren ata o día de hoxe.
Porque a lingua é a nosa sinal de identidade, FELIZ DÍA DAS LETRAS GALEGAS!!”

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...