Katherinie Varela aposta por potenciar o Camiño de Inverno a Santiago

A candidata do PP á Alcaldía de Monforte lamenta que os socialistas non teñan colaborado coa Asociación de Camiños a Santiago pola Ribeira Sacra e propón abrir o baixo do Hotel Comercio e crear un albergue municipal.

Candidatos PP Monforte no Hotel Comercio / PP Provincial

A candidata do PP, Katherinie Varela, informa dalgunhas medidas en materia de cultura e turismo. A candidata aposta por potenciar o Camiño de Inverno a Santiago a través da habilitación dunha oficina e da apertura dun albergue municipal. O programa electoral dos populares recolle tamén a elaboración dun Plan Director para a dinamización do Camiño de Santiago.

Os populares califican a xestión municipal de nefasta no caso do baixo do Hotel Comercio, por non ter aberto aínda o Centro de recepción e Interpretación do Camiño de Inverno pola Ribeira Sacra. Instalación na que se investiron 15.000 euros e pola que se paga un aluguer mensual de máis de 300 euros.

A candidata do PP á Alcaldía fixa como prioridade a apertura do inmoble e avanza a colaboración coa Asociación de Camiños a Santiago pola Ribeira Sacra para a súa xestión. “É unha asociación que de forma desinteresada potenciou o Camiño e penso que debemos axudarnos uns a outros para seguir ese labor de dinamización que consiga traer máis xente á nosa cidade”, precisa.

DEIXAR UN COMENTARIO

Please enter your comment!
Please enter your name here