O cabeza de lista sitúa como principais liñas programáticas a ampliación do solo industrial en 90.000 metros cadrados, ademais de completar a rede de augas pluviais nesta infraestrutura. Todo co obxectivo de favorecer a creación de empresas e de novos postos de traballo.
José Manuel Arias explicou tamén que no vindeiro mandato, se revalidan a alcaldía, construirán a rotonda da intersección de Bóveda, aplicarán aglomerado en quente na LU-611, completarán o proxecto de aforro enerxético nas instalacións municipais, sacarán adiante o proxecto de produción de 160 novas hectáreas para uso agrogandeiro, porán en valor os xacementos socioarqueolóxicos, manterán e mellorarán os servizos e rebaixarán o IBI sen mermar o número e a calidade das prestacións.
Pola súa banda, Francisco Conde puxo en valor que “a alternativa de goberno que ofrece o PP pasa pordeseñar programas de emprego,facilitar o día a día das empresas, autónomos e comerciantes, e por mellorar as infraestruturas e servizos públicos en materia de educación, dependencia ou sanidade”.
A lista de José Manuel Arias, que é alcalde deste municipio dende hai 20 anos, está formada polas seguintes persoas:
- José Manuel Arias López
- José Luis Rivera Saco
- Dionisio Blanco Rubiños
- Francisco Javier Domínguez López
- Natividad Rodríguez López
- Cristina Juiz López
- Cintia Vidal López
- Patricia López López
- Pilar Valcárcel Pérez
Suplentes
- Iban Rodríguez Puente
- Flor Alba Cao Vázquez
- José Manuel Carballo Pérez
- Manuel Sarmiento López
- Vanesa López González
- Luis José Senra López
- Patricia Rivera Lorenz