Pleno de constitución do Concello de Sober en vivo

A sesión plenaria comezará ás 00:00 horas do día 15, na noite de hoxe venres ao sábado, e retransmitirase en directo vía Facebook.

Alcalde de Sober, Luis Fernández Guitián. Foto: Prensa Sober

O Concello de Sober, primeiro de España de todos os concellos que se van constituír o día 15 de xuño, retransmitirá en directo a primeira sesión plenaria e a toma de posesión da Corporación a través da súa conta oficial da rede social Facebook: https://www.facebook.com/concello.desober/

Facilitarase deste xeito que quen queira seguir o Pleno poida facelo, con independencia do lugar no que se atope e sen necesidade de estar presente no propio concello. Dadas as horas nas que terá lugar, a idea, ademais de curiosa e innovadora, resulta práctica.

O Goberno local elixe esta rede para retransmitir a sesión plenaria na que conta con máis de 6.500 seguidores, aínda que tamén ofrecerá información a través de Twitter e Instagram, onde o Concello de Sober conta tamén con perfiles oficias.

A sesión poderase seguir tamén desde o salón de plenos ata completar aforo.

DEIXAR UN COMENTARIO

Please enter your comment!
Please enter your name here