Polémica en Láncara pola expulsión do pleno de Carlos Fernández “Meilán”

O Grupo Popular, do que Meilán é número dous, considera que o alcalde socialista "non estivo á altura das circunstancias".

Casa Consitorial Láncara / wikipedia

No Pleno Municipal do Concello de Láncara celebrado o pasado mércores día 24, desatouse unha gran polémica coa expulsión dun dos edís do Partido Popular, Carlos Fernández “Meilán”. O alcalde, o socialista Darío Piñeiro, tomou esta decisión cando se estaba a debater sobre as axudas da Xunta para rehabilitar o camiño que leva de Cereixosas a Berselos.

Ante isto, o Partido Popular de Láncara afirmou que “en ningún caso, un arrebato deste tipo está xustificado“. O Grupo do PP amosou a súa preocupación pola dinámica dos plenos, porque aseguran que o alcalde “tamén perdeu os modais cando se lle preguntou polo bastón de mando, que custou 800 euros”.

Deste xeito, o Grupo Popular convidou ao alcalde a modificar a súa conduta e suxeriulle que na vindeira sesión plenaria “debe pedir desculpas publicamente“.

DEIXAR UN COMENTARIO

Please enter your comment!
Please enter your name here