InicioPolíticaTomé asegura que o conselleiro de Economía "columpiouse" en Monforte e deu...

Tomé asegura que o conselleiro de Economía “columpiouse” en Monforte e deu un “mitin”

"No canto de insultar e andar ofendendo polo territorio adiante, que explique que proxectos ten", dixo.

Publicado o

- Advertisement -

O presidente da Deputación de Lugo, José Tomé, non ocultou o seu malestar polas declaracións que onte fixo o conselleiro de Economía, Emprego e Industria da Xunta de Galicia, Francisco Conde, sobre a situación da central térmica das Pontes no transcurso da visita á empresa Euroserum, cando acusou o Goberno de España de promover unha “rotura enerxética” que pode deixar na rúa por centos de familias.

“Penso que o conselleiro, en Monforte, columpiouse moito e faltou ao respecto institucional“, dixo Tomé, porque durante a súa visita a esa empresa ía acompañado “por representantes do Concello”. “Dar un mitin, mentres visita unha empresa acompañado por xente do Concello, non é de moi boa educación”, lamentou Tomé.

O presidente da Deputación instou ao conselleiro de Industria a “explicar que proxecto ten a Xunta de Galicia para a zona das Pontes, Ferrol, A Mariña e o interior de Galicia” como alternativa á produción eléctrica mediante a queima de carbón, no canto de “dar un mitin” político sen contido. “Que proxecto industrial ten a Xunta de Galicia, porque el é o conselleiro de Economía e Industria da Xunta”, insistiu Tomé.

“No canto de insultar e andar ofendendo polo territorio adiante, que explique que proxectos ten”, dixo Tomé, quen lembrou que a Deputación está “á beira dos traballadores” e defende unha transición enerxética “suave”.

ÚLTIMAS

I Work Ribeira Sacra Chantada

Tratábase da I edición do Work Ribeira Sacra, primeiro evento networking que se realiza...

Restauración da imaxe da Virxe dos Remedios da Ermida, en Quiroga

A imaxe da Virxe dos Remedios da Ermida está a sufrir unha importante restauración...

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...