InicioPolíticaO BNG de Monforte demanda convocatoria urxente da Xunta de Portavoces

O BNG de Monforte demanda convocatoria urxente da Xunta de Portavoces

Nunha petición rexistrada no concello, reclama recibir información e consensuar medidas, co maior apoio posible, para xuntos saír adiante, nomeadamente o comercio local e turístico.

Publicado o

- Advertisement -

O BNG quéixase de que só se convocara unha Xunta de Portavoces nunha ocasión desde a entrada en vigor do estado de alarma e que só se celebrara un pleno extraordinario “coa única intención de dispoñer o remanente de tesourería, o que nos impediu ao resto de grupos municipais presentar mocións, rogos ou e/ou preguntas, alén dos puntos incluídos na orde do día pola equipa de goberno.”

Os nacionalistas consideran que co anuncio do goberno do Estado de ir abandando o réxime de confinamento e coas medidas de financiamento extraordinario das que se ten dotado ao concello nesta crise, terían que estar en marcha medidas para a protección do tecido socioeconómico monfortino. Lembran desde o BNG que a este respecto presentaron propostas, pero que tamén poden ser as do goberno municipal, propostas estas que dín descoñecer.

Segundo Emilio J. Sánchez Iglesias, portavoz do BNG no Concello de Monforte de Lemos, fan esta petición “En exercicio activo do noso dereito de acceso á información pública ante a administración local galega coa finalidade de facer efectivo o exercicio das funcións de goberno, control e fiscalización da actividade local, as que forman parte do núcleo esencial do noso mandato representativo para xestionar unha parte importante dos asuntos públicos, no marco da lei, baixo a nosa responsabilidade en beneficio dos seus habitantes”

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...