O BNG de Monforte reclama o acondicionamento do mercado de abastos e do recinto ferial

" É de vital importancia reforzar os sectores produtivos e favorecer o comercio local e a economía circular, e a praza de abastos e as feiras mensuais son unha boa oportunidade para xerar riqueza e traballo”, sinalan desde o BNG

mercado gandeiro Monforte / BNG Monforte

Dende o BNG de Monforte manifestan a súa preocupación polo mal estado das instalacións do mercado gandeiro, e urxen ao concello a levar a cabo as xestións necesarias para optimizar o recinto ferial e dar un empurrón ao sector primario e revitalizar o sector terciario situando os postos nunhas instalacións acordes ao século XXI.

” É de vital importancia reforzar os sectores produtivos e favorecer o comercio local e a economía circular, e a praza de abastos e as feiras mensuais son unha boa oportunidade para xerar riqueza e traballo”, sinalan desde o BNG.

No caso das instalacións do mercado son de propiedade municipal, non así a competencia en feiras, por iso a organización nacionalista lembra as responsabilidades de todas as administracións, pero pide a implicación do consistorio: ‘dende o BNG pensamos que o consistorio debe ser quen dirixa a revitalización do recinto feiral, sen prexuízo das achegas económicas por parte doutras administracións, como a Xunta e o Estado’, lembra Emilio José Sánchez, voceiro do BNG na corporación monfortina.

DEIXAR UN COMENTARIO

Please enter your comment!
Please enter your name here