Medio Rural fai un novo chamamento á colaboración cidadá para intensificar a loita contra a actividade incendiaria e pide a máxima cautela, para non dificultar as investigacións en marcha destinadas a clarificar as causas dos incendios. Así mesmo tamén están a traballar para dar cos responsables do uso de artefactos incendiarios localizados estes días polos profesionais do Servizo de Prevención e Defensa de Incendios Forestais de Galicia (SPDCIF).
Ademais, o conselleiro José González, fixo un chamamento á “concienciación” e animou aos veciños e veciñas a denunciar aos incendiarios a través do teléfono 900 815 085. “O teléfono está a funcionar ben, incrementáronse o número de denuncias, que son anónimas e confidenciais”, sinalou.
Por último, González lembrou a importancia de que “estean limpas as franxas” de protección reglamentarias que se establecen ao redor das aldeas. Así, lembrou que a Xunta activou medidas para axudar aos concellos no cumprimento das súas tarefas de limpeza e que serán “incisivos” no seu cumprimento.
Infomación complementaria sobre este tema no Galicia Confidencial.
