506.000 euros para estradas provinciais no Saviñao

A Deputación destina 506.000 euros á execución das obras de acondicionamento de dúas estradas do Concello do Saviñao, a LU-P-4102, que vai dende Ferreira a Currelos, e a LU-P-4202, de Pacios a Currelos por Aldosende.

Estrada Escairón-Currelos / BNG O Saviñao

Os traballos executados consistiron na reapertura e limpeza de cunetas, rehabilitación do firme con aglomerado en quente e o incremento da seguridade viaria coa renovación da sinalización horizontal; actuacións que mellorarán a comodidade dos condutores e a seguridade viaria.

Na LU-P-4202, que vai dende Pacios ata Currelos por Aldosende, realizáronse obras de mellora e acondicionamento de 3,3 quilómetros, entre os puntos 22,1 e 25,4. A Deputación investiu para o arranxo desta vía, 119.000 euros.

Na LU-P-4102, que vai de Ferreira a Currelos, acondicionáronse preto de 8 quilómetros, entre os puntos quilométricos 14,5 e 22,3 cunha achega económica de 386.852 euros. Esta estrada vertebra o norte e o sur do Concello do Saviñao e é a principal vía de comunicación para moitos veciños deste municipio. Co remate desta obra, a totalidade da vía atópase completamente renovada.

DEIXAR UN COMENTARIO

Please enter your comment!
Please enter your name here