Afiliados do PP de Monforte comezaron a semana cunha reunión na sede do partido para analizar a situación política previa á campaña electoral e para preparar diversos aspectos do traballo a realizar ata o 10-N.
Na reunión interviron, ademais da voceira municipal, Katy Varela, o secretario xeral do PP de Lugo, Juan Carlos Armesto, e o candidato ao Senado José Manuel Barreiro. Tanto Armesto como Barreiro animaron aos afiliados a traballar con intensidade porque, na súa opinión, o partido está nun bo momento e en condicións de recuperar o voto que nos pasados comicios xerais foi a outras forzas políticas.
Empresas forestais
A Consellería de Economía, Emprego e Industria destinou 3,4 millóns de euros a 33 empresas forestais da provincia de Lugo a través dun programa de axudas para mellorar a competitividade do sector. Da zona Sur hai unha empresa, que conta cunha axuda de 48.800 euros para un investimento de 122.000 euros.
O sector forestal na provincia xera 3.000 empregos directos e 7.000 indirectos; no que vai de ano rexistráronse 2,9 millóns de metros cúbicos de madeira cortada nos montes de Lugo.
