Desde este martes, 12 de novembro, sométese a información pública, a efectos de expropiacións, o proxecto de ADIF para ampliación de gálibo en pasos superiores do treito non afectado pola Variante de San Xiao Ourense-Monforte-Lugo.

Tal como figura no anuncio de ADIF publicado este  luns no Boletín Oficial do Estado, desde mañá ábrese un período de información pública, que será de quince días hábiles, sobre a relación de benes e dereitos afectados pola execución das obras do devandito proxecto.

A documentación de expropiacións pódese consultar na Subdelegación do Goberno, na Subdirección de Infraestructura e Vía, no Concello de Monforte de Lemos e no portal de transparencia na páxina web de ADIF.