O  Concello de Quiroga ofrece este sábado, día 30  de novembro, ás 19:00 h. unha representación teatral no Auditorio Municipal a cargo do Grupo de Teatro da Biblioteca de Antas de Ulla que trae a escena “Acto único. Un cabaret do máis normal”. A autora é Paula Carballeira Cabana que tamén é a directora do grupo. Esta actividade forma parte do programa “Buxiganga” que desenvolve a Deputación Provincial de Lugo.

E de cara á vindeira semana, na que se ve xa no horizonte a ponte da Constitución, a novidade será unha pista de patinaxe en xeo. Dende o xoves día 5 de decembro e ata o día 9, o pavillón municipal acollerá esta nova oferta de lecer gratuíta.

O primeiro día, o xoves pola mañá ás instalacións estarán reservadas para os alumnos e alumnas do Colexio de Educación Infantil e Primaria de Quiroga e o luns día 9, tamén pola mañá, as pistas serán para o alumnado do Instituto de Educación Secundaria. O resto do tempo, en horario de once da mañá a unha e media e pola tarde de catro a oito, estarán abertas para todas as persoas que queiran participar.