Xornada sobre emprendemento no IES A Pinguela de Monforte

Este pasado 17 de decembro os/as alumnos/as dos ciclos de xestión administrativa e administración e finanzas coñeceron a experiencia, en relación a estes temas, de dous emprendedores.

Xosé García Freire, gandeiro de Pantón. Fonte: IES A Pinguela

A consultora empresarial María Traveso Lago, socia administradora de Promove Consultoría e formación SLNE, e o xoven empresario Xosé García Freire, de Casa da Fonte de Mañente -no Concello de Pantón-, foron os poñentes da xornada de emprendemento do Programa Actúa que impulsa a Subdirección Xeral de FP da Consellería de Educación e FP en colaboración co IGAPE.

María Traveso, administradora de empresa. Fonte: IES A Pinguela

As experiencias de María Traveso e Xosé García nas súas respectivas ‘aventuras empresariais’ trasladaron ao alumnado un punto de vista sobre a xestión e administración da empresa moi próximo natural. Aportaron, ademais, interesantes coñecementos prácticos e a visión de que o emprendemento é posible con ilusión, perseverancia e traballo.

Os/as alumnos/as dos ciclos medio de Xestión Administrativa e superior de Administración e Finanzas gozaron coa charla, aprenderon e participaron activamente amosando interese polos temas tratados dende a experiencia persoal destes dous emprendedores.

DEIXAR UN COMENTARIO

Please enter your comment!
Please enter your name here