O grupo de alumnos está formado por Miguel Ángel Fernández, Manuel Enrique Sandoval, Daniel Grobas, Tomás Feijoo, Marcos Fernández, Maria Goyanes, Raúl García, Saúl Martínez, Alex Rodríguez e Brais Álvarez.
O profesorado do departamento de Informática inscribiu ao alumnado no proxecto de creación de microempresas. Decidiron chamarlle “Vintage Gaming”, unha empresa dedicada á elaboración e mantemento de máquinas Arcade personalizadas.
O traballo do alumnado requiriu seleccionar as pezas, deseñar as ilustracións e realizar a montaxe de todos os compoñentes. O traballo final foi posto a proba no instituto co fin de que toda a comunidade educativa puidese probar e coñecer o produto conseguido por este grupo de alumnos.
A microempresa será presentada no Programa Lanzadeiras que se celebrará, previsiblemente, no próximo mes de maio. Este programa está organizado pola Consellería de Educación e patrocinado pola empresa Alcoa.
