A xerente de Suelo Empresarial do Atlántico, Beatriz Sestayo, abordou vías de colaboración co presidente da Deputación de Lugo, José Tomé, de cara a impulsar o desenvolvemento industrial da provincia, na que SEA xestiona catro parques empresariais. Beatriz Sestayo e José Tomé comprometéronse a buscar sinerxias de traballo comúns que permitan impulsar e mellorar o desenvolvemento empresarial da provincia.
No polígono de Monforte, SEA conta cunha superficie bruta de 365.675 metros cadrados, cun 25% dispoñible, case 71.000 m2; o de Rábade con 323.160, o de Chantada con 111.791 metros cadrados, a ocupación alcanza o 91% do solo dispoñible, queda libre un espazo de 8.022 metros cadrados e o de Mondoñedo ten un total de 70.000 m2.
Suelo Empresarial do Atlántico xestiona 13 parques empresariais en Galicia, que suman máis de 4 millóns de metros cadrados, Monforte de Lemos, Mondoñedo, Chantada e Rábade, Malpica, Vimianzo, Cee, A Laracha, A Pobra do Caramiñal, Muros e Rianxo, Vilanova de Arousa e Catoira, nos que se asentan máis dun cento de empresas.
Suelo Empresarial do Atlántico, S.L., S. M.E., é unha sociedade participada nun 83,44% polo Ministerio de Transportes, Movilidad y Agenda Urbana, a través de Sepes; nun 14,26% pola Consellería de Medio Ambiente da Xunta de Galicia, a través do Instituto Galego da Vivenda e Solo; nun 1,65% por ABANCA e un 0,65% pola Xunta, e creada co obxectivo de desenvolver e comercializar parques empresariais en Galicia
