17 de marzo, xornada de portas abertas na igrexa soberina de Pinol

Esta xornada técnica ten por obxectivo dar a coñecer as obras de restauración das pinturas renacentistas do templo. O horario de apertura do inmoble será de 11:00 a 18:00 horas.

Igrexa de Pinol obras / Concello de Sober

O Concello de Sober e a Xunta de Galicia organizan esta xornada técnica na igrexa de San Vicente de Pinol co obxectivo de dar a coñecer á cidadanía, as obras de restauración das pinturas murais do templo.

Ao longo da xornada, a técnica encargada do proxecto, Montse Jiménez, recibirá a aquelas persoas ou grupos de persoas que amosen o seu interese, explicando os obxectivos do traballo de restauración sobre este conxunto e o seu avance.

O pasado mes de outubro iniciáronse os traballo de restauración e está previsto que rematen de xuño. O proxecto, financiado pola Xunta de Galicia a través da Consellería de Cultura e Turismo conta cun investimento de 109.021 euros. As obras están cofinanciadas pola Unión Europea a través de fondos FEDER. A empresa encargada de levalos a cabo é BABELIA CRBC S.L.

O alcalde de Sober, Luis Fernández Guitián, anima a participar nesta xornada de portas abertas que permitirá ver “por vez primeira” a totalidade das pinturas renacentistas ao descuberto, “unha auténtica obra mestra na Ribeira Sacra”.

DEIXAR UN COMENTARIO

Please enter your comment!
Please enter your name here