I Congreso do aceite en Quiroga por vídeo conferencia

Unha vídeo conferencia con importantes entendidos do mundo do aceite substituirá ao I Congreso Internacional do Aceite de Quiroga, que se non fose pola pandemia da Covid-19, celebraríase estes días no concello, como antesala da XX Mostra do Aceite de Quiroga.

Oliveira de Quiroga / XdL

Autoridades do mundo da medicina, profesores das Universidades de Córdoba e Jaén, técnicos da Consellería do Medio Rural e representantes das empresas oleicas Galpagro, Olearum, tiñan previsto reunirse en Quiroga para divulgar as singularidades do aceite de oliva de produción local.

O Concello de Quiroga non quixo deixar pasar ter as oliveiras cheas de flor augurando unha boa colleita e o aceite da anterior colleita perfectamente decantado, para desenvolver esta cita, farao por vídeo conferencia este venres, día 29 de maio.

A historia e a cultura da oliveira na comarca, o rexistro de variedades, análises sensoriais e químicas, os beneficios do aceite de oliva virxe extra (AOVE) para a saúde e a elaboración e a comercialización do AOVE eran os temas a tratar neste I Congreso Internacional do Aceite de Quiroga.

O alcalde de Quiroga, Julio Álvarez, e o delegado territorial, José Manuel Balseiro, tamén participarán neste impulso ao aceite de Quiroga que segue agardando pola súa Denominación de Orixe.

DEIXAR UN COMENTARIO

Please enter your comment!
Please enter your name here