241.000 euros para melloras hidráulicas e viarias en Quiroga

241.248 € investirá o Concello de Quiroga a través do Plan Único, en actuacións de conservación de infraestruturas básicas do municipio segundo aprobou a Xunta de Goberno Municipal.

Quiroga / Concello de Quiroga

Entre as obras a desenvolver co Plan Único da Deputación no concello de Quiroga recóllense, melloras hidráulicas nos núcleos de Quiroga, Paradaseca, Bendilló, Campos de Vila, Vilañán e Vieiros; rexeneración e asfaltado dos accesos de Pacios á Ermida, a Outeiro, das Farrapas a Bendilló, a Bendilló e a Santa Cubicia.

Tamén se contempla a reparación e o formigonado de camiños en rúas de Quiroga, Os Novaes, Bendollo, Carballo, San Cristobo, Vilarbacú e Aldea; e a primeira fase da ampliación do museo etnográfico. Estes orzamentos teñen que ser realizados ao longo deste 2020.

Entre as obras a desenvolver contémplase ademais o acondicionamento e mellora da práctica totalidade da rede viaria local, en base a rebacheos e desbroces.

DEIXAR UN COMENTARIO

Please enter your comment!
Please enter your name here