44 casos activos de Covid19 na provincia con 5 máis ca onte

Galicia conta con 312 casos activos de Covid19, deles 44 corresponden á provincia de Lugo con 5 casos máis ca onte, dos que 3 corresponden ao rebrote da Mariña; o resto son casos illados.

Un sanitario protexido con luvas sostén unha mostra para realizar unha Análise PCR nun local de Deputación de Bizkaia, onde recollen mostras de traballadores funcionarios que deron positivo en Covid-19 ou estiveron en risco de dalo. H.Bilbao - Europa Press

Este luns, 29 de xuño, a provincia de Lugo conta con 44 casos activos de coronavirus, 5 máis ca onte. 3 deles corresponden ao brote de Covid-19 da comarca da Mariña, que pasa de 22 a 25 infectados. Os outros dous novos casos son casos illados.

Segundo fontes do Sergas, o número de probas realizadas a contactos das persoas infectadas “supera as 300“. A Consellería de Sanidade sostén que os focos localizados en Xove e Burela “teñen relación entre si”, polo que os considera de forma conxunta.

Dos 44 casos totais na provincia, 2 están en hospitalización, un deles no HULA e o outro no Hospital Público da Mariña. Os 42 restantes están confinados nos seus domicilios. Desde o inicio da pandemia na provincia lévanse producido ​​28 falecementos e 922  altas/curados de Covid19.

En Galicia cóntase con 312 casos positivos, 131 corresponden á área de Vigo –uno menos que este domingo–; 71 á da Coruña e Cee –uno menos–; 24 á de Santiago e Barbanza –uno menos–; 22 á de Ourense –sen cambios–; 44 á de Lugo –cinco máis–; 11 á de Ferrol –igual que hai 24 horas– e nove á de Pontevedra –sen cambios–.

DEIXAR UN COMENTARIO

Please enter your comment!
Please enter your name here