Continúa o curso de apicultura “O Mundo das Abellas”, organizado polo Concello, e que se desenvolve no auditorio de Escairón dende o pasado venres, a partires das 19:00 horas.
A formación está a ser impartida polo veciño de San Adrián, Alberto Vázquez Domínguez. Dende a entidade local, a través do seu alcalde, Carlos Armesto, sinalan o éxito da mesma, pois houbo máis interesados que prazas disponibles. En concreto, fixéronse dous grupos de 10 persoas para seguir as recomendacións sanitarias e as medidas preventivas da covid-19.
O curso ten un custe 0 para os participantes e nel abórdanse temas como a historia das abellas, a colmea e as súas clases e os seus habitantes: raíñas, obreiras e abázcaros, enfermidades, renovación da raíña, método Snelgrove, etc.
Carlos Armesto valora positivamente a iniciativa, xa que “quedou xente en lista de espera”; o que fai, indica, “que xa esteamos pensando nunha segunda edición”.