IniciosociedadeO Incio aproba un orzamento de 1.319.454 euros

O Incio aproba un orzamento de 1.319.454 euros

O Concello do Incio vén de aprobar no seu primeiro pleno telemático (4 participaron en liña e 5 desde a Casa Consistorial) celebrado este venres os Presupostos municipais para o ano 2021 que ascenden a 1.319.454 euros. As contas obtiveron os votos a favor do equipo de Goberno, do PP, e a abstención do PSdeG-PSOE.

Publicado o

POR
Redacción
- Advertisement -

Á contía aprobada haberá que sumarlle a achega do Plan Único da Deputación de Lugo, que ascende a 291.000 euros. Unha vez se incorpore esta cantidade, o Goberno local destinará a investimentos preto de 220.000 euros do Plan.

As contas aprobadas destinan 30.000 euros a investimentos para obras de reparación. A este investimento sumarase unha partida de 37.720 euros procedentes do Plan Único para obras, aos que hai que sumar preto de 25.000 euros máis de actuacións que serán cofinanciadas pola Xunta de Galicia.

Engádese tamén unha partida municipal de 9.900 euros ao Plan de mellora de camiños municipais da Xunta de Galicia, que hoxe mesmo publica o DOG.

O alcalde, Héctor Corujo, subliña o “importante esforzo” que es está a facer en gasto social, con especial atención ao Servizo de Axuda no Fogar (SAF), cuxo orzamento medra cada exercicio. No ano 2018 o custo dese servizo foi 189.031,83 euros, no 2019; 217.275,60 euros, no 2020 227.238,90 euros e “temos a firme vontade de ser capaces de seguir prestando o servizo a todos os que nolo soliciten e incluso incrementar o número de usuarios”, precisa.

Tamén destaca os recursos que se destinan a financiar actividades para os veciños e veciñas, así como o servizo de madrugadores posto en marcha en colaboración co CEIP Ricardo Gasset para axudar na conciliación da vida familiar e laboral, entre outros.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...