O PP de Monforte aplaude a reforma anunciada para o Hospital

O PP de Monforte expresa a súa satisfacción polas melloras que van ser executadas pola Xunta no hospital e pon en valor a positiva repercusión que terán na atención da poboación á que serve.

Entrada principal do Hospital de Monforte / XdL

A portavoz popular, Katy Varela, pon en valor a reforma que vai ser acometida no hospital monfortino. As obras adxudicadas teñen un orzamento de 1,4 millóns de euros e afectarán ao hospital de día, onde, entre outras cousas, se aplican os tratamentos de quimioterapia e está o servizo de farmacia. É relevante destacar igualmente que a planificación das obras está feita de maneira que non será necesario deter a actividade nin trasladar pacientes a outros centros.

As obras xa adxudicadas enmárcanse nun proxecto moito máis amplo, de maneira que a reforma total custará uns 15 millóns de euros e suporá cinco anos. Os populares poñen en valor a positiva repercusión que a reforma do complexo sanitario terá na prestación dos servizos aos usuarios do distrito sanitario aos que atende

Varela cualifica de “inversión clave” a que se vai efectuar no hospital de Monforte, unha infraestrutura fundamental para a comarca.

DEIXAR UN COMENTARIO

Please enter your comment!
Please enter your name here