Iniciosociedade“Monforte de Lemos, Vía Sacra”, un documental para poñer en valor o...

“Monforte de Lemos, Vía Sacra”, un documental para poñer en valor o tecido empresarial do concello

O concello de Monforte coa produtora Xurdir e coa participación de diversas empresas monfortinas desenvolveron o documental “Monforte de Lemos, Vía Sacra” que se estreará o venres, 23 de xullo, na Praza da Compañía. O acto contará coa actuación de Rosa Cedrón.

Publicado o

POR
Redacción
- Advertisement -

O documental recolle unha escolma de 22 proxectos empresariais monfortinos, que serán os protagonistas desta película, servindo de mostra representativa da actividade económica do Concello. 

Neste senso o rexedor municipal agradece a “a colaboración destas empresas que quixeron formar parte deste proxecto, e copatrocinar xunto co Concello, este documental. Nel, imos visibilizar o esforzo, o traballo e a ilusión  que os  empresarios e empresarias desta terra, adican no seu día a día”. 

Baixo o título de “Monforte de Lemos, Vía Sacra”, trátase dun documental en formato cine, co que, en verbas do Alcalde, “quixemos poñer en valor a actividade económica, a industria e o tecido empresarial de Monforte de Lemos, especialmente nun momento no que a incidencia da Covid segue a estar moi presente na nosa sociedade, e afectando de cheo ós nosos sectores produtivos”. 

A estrea deste documental terá lugar o venres 23 de xullo ás 20:30 horas na Praza da Compañía, e ademais da proxección do documental nunha pantalla xigante, contará coa actuación musical de Rosa Cedrón.

A entrada para asistir á este acto é gratuíta, pero será necesario confirmar asistencia ata as 15 horas do xoves 22 de xullo. Para confirmar a asistencia poderá facerse a través dos teléfonos 981 059 541, 636 695 846 ou a través do correo comunicacion@xurdir.com.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...