HomesociedadeInaugurada a nova Unidade de Atención Temperá de Quiroga

Inaugurada a nova Unidade de Atención Temperá de Quiroga

A Unidade de Atención Temperá dá servizo na actualidade aos concellos de Quiroga, Ribas de Sil, Folgoso do Courel, Bóveda, O Saviñao, Sober, A Pobra do Brollón e Pantón

Publicado o

POR
Redacción
- Advertisement -

A Unidade de Atención Temperá conta con novas instalacións no edificio multiusos da Ribeira onde se ubica o Centro de Día. O xefe territorial de Política Social, Francisco Javier Vázquez Nodal participou na inauguración na que tamén se contou con representaci´ón dos concellos de Bóveda, O Saviñao, Pantón, A Pobra do Brollón e Ribas de Sil.

O alcalde de Quiroga, Julio Álvarez, presentou unha obra na que se investiron máis de 300.000 €. “Con dúas anualidades do Plan Único, traballadores municipais, alumnos de dous obradoiros e poñendo materiais foi como se conseguiu levar a cabo esta obra”.

O novo servizo conta cun equipo formado por seis profesionais: dous psicólogos, dous logopedas, un fisioterapeuta e un terapeuta ocupacional especializados en desenvolvemento infantil e atención temperá. Estes centros prestan atención para identificar, previr e actuar sobre os trastornos no desenvolvemento que poidan sufrir os nenos e nenas de 0 a 6 anos de idade. Na actualidade atende a 43 rapaces e en dous meses agárdase que xean máis de 60 rapaces.

A Xunta de Galicia, que investiu 102.000 euros neste centro, destinará 6,2 millóns de euros en 2022 para ampliar a máis de 50 as unidades que funcionan na Comunidade, o que supón un incremento do 82% con en relación co investimento deste ano. Na provincia de Lugo, as axudas aprobadas este ano pola Consellería de Política Social para a prestación de servizos de atención temperá por parte de administracións locais contribúen a dar cobertura a nenos e nenas de 36 municipios.

ÚLTIMAS

Case 600 persoas na II Festa Interxeracional do Concello de Chantada

Na primeira edición participaron unhas 350 persoas e este ano case se duplica a...

Actividades para celebrar en familia no Verán Cultural de Chantada

Do 2 de xullo e ata o 30 de agosto, o Concello de Chantada,...

Adrián González, novo voceiro do PP de Quiroga

Adrián González, de 32 anos e vinculado ao deporte, agradece a confianza dos compañeiros...

Iniciativas de Esperta Monforte no pleno deste luns

Esperta Monforte presenta ao pleno unha moción para incrementar a partida de subvencións de...