A xerente da SEA visita Chantada para coñecer a demanda de chan industrial

A xerente de "Suelo Empresarial do Atlántico", Beatriz Sestayo, desprazouse ao Concello de Chantada para abordar co alcalde a situación empresarial do municipio.

SEA reunión Chantada / SEA

A xerente da sociedade estatal “Suelo Empresarial do Atlántico”, dependente do Ministerio de Transportes a través de Sepes desprazouse este martes, 18 de xaneiro, a Chantada para coñecer a situación empresarial da localidade. Beatriz Sestayo reuniuse co alcalde, Manuel Lorenzo Varela, para analizar a posible demanda de chan industrial e afondar no tecido empresarial da zona.

Beatriz Sestayo supervisou tamén a área industrial que, na actualidade, conta con dúas fases e nas que se sitúan ao redor de 20 empresas, entre elas, algunhas tan coñecidas como Galletas Daveiga. Este polígono dispón na actualidade de só unha parcela industrial dispoñible.

A xerente fixo entrega ao Concello do vídeo promocional sobre a localidade e o polígono industrial elaborado por “SEA” e que se difundirá nos distintos foros empresariais.

Ademais de en Chantada, “SEA” xestiona tamén os parques empresariais de Rábade, Monforte e Mondoñedo (Lugo); A Laracha, Malpica, Vimianzo, Cee, Muros, Rianxo e A Pobra do Caramiñal (A Coruña) e Catoira e Vilanova de Arousa (Pontevedra), que suman máis de 4 millóns de metros cadrados.

DEIXAR UN COMENTARIO

Please enter your comment!
Please enter your name here