En marcha as obras de mellora da vía provincial entre Sarria e O Páramo

A Deputación de Lugo comezou esta semana as obras de renovación do firme da estrada LU-P-5705, que conecta os municipios de Sarria e O Páramo. Uns traballos aos que a institución provincial destina 75.700€.

Obras O Páramo-Sarria / Deputación Provincial

Esta vía une Mazadoiro e San Martiño da Torre por Escarlán, entre Sarria e O Páramo. Conecta uns 15 núcleos da comarca de Sarria nos que viven uns 300 veciños e veciñas, dando acceso directo a diferentes explotacións agrícolas e gandeiras, polo que as obras supoñerán un beneficio importante para a veciñanza e para os negocios da zona.

Os traballos consisten na limpeza de cunetas, pavimentación e sinalización vertical e desenvólvense nun treito de preto de 5 quilómetros, dende o punto quilométrico 7,7 e o 12,6. O prazo de execución é de 9 meses, pero estímase que se as condicións meteorolóxicas son favorables as obras poderán estar rematadas con anterioridade.

A institución provincial destina 17,3M€ dos seus Orzamentos para o 2022 ás tarefas de mellora do firme, roza de maleza, conservación e mantemento da rede viaria provincial, a máis extensa de todo o Estado e tres veces maior ca da Xunta en Lugo.

DEIXAR UN COMENTARIO

Please enter your comment!
Please enter your name here