HomesociedadeAs asociacións veciñais da Ribeira Sacra reúnense o día 23 en Tuiriz,...

As asociacións veciñais da Ribeira Sacra reúnense o día 23 en Tuiriz, Pantón

Tras o éxito do primeiro encontro de asociacións veciñais, culturais e de montes da Ribeira Sacra, celebrado o pasado 12 de marzo en Vilachá de Salvadur, continúan os traballos en común. Desta vez a nova reunión será no Centro Social de Tuiriz (Pantón) o día 23 de abril ás 11h.

Publicado o

POR
Redacción
- Advertisement -

O colectivo dá así continuidade aos acordos tomados o pasado 12 de marzo avanzando liñas de traballo para coordinar unha voz común do movemento veciñal e tamén para recoller propostas de mellora ou de reflexión sobre a candidatura da Ribeira Sacra á UNESCO.

As asociacións amosaron a súa vontade de afondar na posible creación dunha coordinadora para dotar dunha estrutura interna e de reiterar a súa vontade de colaborar na candidatura. Para esta xuntanza agárdase a participación de asociacións da provincia de Ourense, que non estiveran presentes no primeiro encontro.

O propósito dos impulsores é incorporar máis voces para chamar a atención da Xunta de Galicia e das deputacións para que teñan en conta a opinión dos veciños e veciñas. Tamén se recibiron novas adhesións de asociacións veciñais e de montes da zona de Lugo. Na semana previa a Semana Santa máis dunha vintena de asociacións entregaron por rexistro da Xunta un escrito con cinco puntos, que ían dende a necesidade de corrrixir erros cartográficos aínda presentes no proxecto á UNESCO ata a convocatoria do Consello de Parroquias e da Mesa Interdepartamental.

Por agora, as asociacións non recibiron resposta de ningunha institución pero agardan a que nestas vindeiras semanas haxa algún tipo de reacción por parte destas institucións. Os colectivos tamén se dirixiron á Deputación de Lugo, co mesmo documento pero solicitando un encontro ou a apertura dun diálogo para que, como institución participante, tamén teña en conta e coñeza de primeira man a opinión da veciñanza ribeirá.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...