IniciosociedadeInterior Galego Vivo constitúese como organización política para as eleccións locais do...

Interior Galego Vivo constitúese como organización política para as eleccións locais do 2023

Diversos colectivos cidadás e políticos xuntan forzas para a defensa do rural en Antas de Ulla, arredor de diferentes mesas de traballo temáticas. A Plataforma IGV constituíuse en organización política e constituirase como asociación.

Publicado o

POR
Redacción
- Advertisement -

Na Asemblea que vén de celebrar Interior Galego Vivo decidiron constituirse como organización política para acudir ás eleccións locais de 2023, mantendo a autonomía e identidade de cada unha das agrupacións que participan dela.

A plataforma continúa a nutrirse de colectivos veciñais que, dende unha perspectiva cívica, teñen interese en favorecer que haxa grupos de traballo en cada municipio, que poidan reunirse e traballar en cuestións sociais, aínda sen o obxectivo de presentar unha candidatura municipal. A tal efecto, IGV constituirase tamén como asociación. 

IGV V asemblea / IGV

Nesta quinta asemblea, abordáronse as problemáticas do rural a través de varias mesas de traballo, nas que se aprobou afondar en cuestións como: necesidade de fomentar o transporte compartido no rural; a aposta por servizos sociais cen por cen públicos e a erradicación de macroresidencias; a necesidade de que estes servizos estean a un máximo de trinta minutos en coche de calquera das nosas parroquias; a implementación de ciclos formativos do sector agrogandeiro nas zonas rurais e que, en todo caso, teñan vinculación directa con traballos propios da zona.

Tamén abordaron a necesidade dunha fiscalidade que discrimine positivamente á poboación rural para contribuir a frear a caída demográfica, “traducida por exemplo en bonificacións fiscais na vivenda habitual ou na transmisión patrimonial de vivendas con valor inferior a 190.000 euros en concellos avellentados ou despoboados”, sinalan.

Para impulsar estes acordos, constituiuse unha coordinadora ampliada e reforzada na que se integrarán novas persoas e proxectos municipalistas e asociativos tanto de Lugo como de Ourense, sobrepasando a trintena de concellos. 

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...