O Alcalde de Monforte mantén encontros coas parroquias

Estas visitas teñen como obxectivo informar aos veciños das obras realizadas polo Equipo de Goberno desde o 2015 e das que están realizándose nestes momentos.

Xuntanza Ribastaltas / Concello de Monforte

A primeira xuntanza producíase este martes, 6 de novembro, cos veciños de Ribasaltas. Nesta parroquia fíxose un investimento de 170.000 euros. Pintouse o refuxio da Área Recreativa, repuxéronse os cipreses na contorna, colaborouse coa Festa da Empanada e iluminouse o campanario da igrexa. Fíxose o saneamento en Outeiriño e no Barrio e axudouse á ampliación do Campo de Golf. No capítulo de asfaltados, mellorouse o  camiño da Quintela (diante do local social), a pista de Vilanova a Ribasaltas, a entrada ao barrio da Veiga á Barxa (2 camiños), o treito desde o paso inferior de Renfe ata Pista do Canal, o camiño do Outeiriño e o treito desde o Campo Golf ata estrada de Lugo en Pacios.

Mellorouse o acceso á granxa na Eirexa e ó campo de fútbol en Barrio, ademais de asfaltar o pista que dá acceso ao Centro de Día que se acaba de abrir nesta parroquia. Revestiuse o local social e mellorouse a traída de auga de Barrio e Outeiro.

 

DEIXAR UN COMENTARIO

Please enter your comment!
Please enter your name here