7.000 euros de aforro coas novas melloras na iluminación da rúa do Morín

Instalaranse luces led desde a rúa do Caneiro ata a residencia do Morín co que se consegue moita máis iluminación e unha redución do consumo eléctrico e de emisións de CO2.

Comezo da rúa do Morín

Xa se coñece o novo proxecto para mellorar a iluminación pública na rúa Morín, dende a rúa do Caneiro ata a residencia do Morín. No futuro continuarase con estas melloras dende a residencia ata o final da recta, en Ribasaltas.

A actuación prevista consiste na eliminación da actual tecnoloxía e na instalación de luces LED, que permiten unha alta eficiencia enerxética. O obxectivo con estes cambios e mellorar a iluminación e reducir o consumo enerxético e as emisións de CO2 obtendo un aforro económico do 71 % ó ano.

As instalacións actuais teñen un consumo anual de 66.906 kwh. Coas novas luminarias o consumo previsto baixará ata 19.172 kwh anuais é unha diferenza de 47.733 kwh por ano. Esta cifra tradúcese nun aforro económico de case 7.000 euros anuais.

A actuación programada contempla a reforma das seguintes seguintes instalacións:

-Cadro de mando e protección, e instalación de posta a terra.

-Eliminación das actuais luminarias ó longo da rúa Morín, que son de vapor de sodio e de baixa eficiencia enerxética, por outras novas de tecnoloxía LED.

-Cambio na disposición dalgunhas das luminarias para acadar unha iluminación máis axeitada, con novos apoios, cimentacións e luminarias. Os báculos tamén serán todos novos.

Nesta obra, o concello de Monforte vai investir 153.000 euros.

O prazo para a realización destas actuacións é de dous meses e medio

DEIXAR UN COMENTARIO

Please enter your comment!
Please enter your name here