O servizo de quirófano do Hospital de Monforte queda sen unha auxiliar de enfermaría

CCOO e CIG-SAÚDE amosan o seu rexeitamento á decisión da dirección do Hospital de Monforte, de deixar o servizo de quirófano sen unha auxiliar de enfermaría para trasladala ao servizo de esterilización.

Hospital de Monforte. Foto cedida.

Segundo estes sindicatos chégase a esta situación como consecuencia da implantación do procedemento de trazabilidade no servizo de esterilización. CCOO e CIG-Saúde aseguran que desde a subdirección de enfermería do hospital se tiña recoñecido que o servizo de esterilización necesitaba máis persoal, pero a medida adoptada pola dirección foi reducir unha auxiliar no servicio de quirófano e pasala para esterilización.

Nestas circunstancias informan de que a maioría do persoal de enfermaría do servizo de quirófano decidiu cinguirse a “cumplir estrictamente” as funcións establecidas pola dirección do centro hospitalario.

Desde CCOO e CIG-Saúde informan de que o persoal do quirógano lle solicitou á xerencia do hospital a necesidade de recuperar a praza de auxiliar para manter a calidade deste servizo. E din non entender que se manteña por parte da dirección unha actitude “ditatorial e impositoria ante un persoal que leva 30 anos colaborando no bo funcionamento do servizo”.

DEIXAR UN COMENTARIO

Please enter your comment!
Please enter your name here