InicioSucesos(AMPLIACIÓN) A operación policial en Monforte e Sarria desarticula a banda de...

(AMPLIACIÓN) A operación policial en Monforte e Sarria desarticula a banda de falsos vendedores de coches de luxo

Producíronse once detencións e rexistros domiciliarios nestas dúas localidades, ademais de en Ourense. Trátase dos integrantes dun grupo criminal que intimidaba, agredía e roubaba os compradores de coches que previamente anunciaban por páxinas de Internet.

Publicado o

- Advertisement -

EFE/Redacción.- Axentes do Corpo Nacional de Policía e da Garda Civil están a practicar desde primeiras horas desta mañá de xoves diversos rexistros domiciliarios nas localidades de Monforte de Lemos e Sarria, nunha operación conxunta contra unha banda relacionada con asaltos e roubo e intimidación a persoas que querían adquirir vehículos de alta gama previamente anunciados en páxinas de compravenda.

Fontes policiais confirmaron a EFE que esta operación está a ser coordinada por un Xulgado de Ourense, que decretou o segredo de sumario. De feito, os mesmos informadores precisaron que se practicaron varias detencións e tamén se realizaron outros rexistros domiciliarios na cidade de Ourense.

En total, procedeuse á detención de once persoas, veciñas de Monforte, Sarria e Ourense.  Algúns dos detidos xa contan con diversos antecedentes por delitos contra o patrimonio. A operación continúa aberta e prevense máis arrestos.

O inicio das investigacións remóntase ao mes de setembro, cando as persoas agora detidas levaroon a cabo a súa primeira acción no lugar de Treilán (Sarria). Baixo a escusa de efectuar a venda dun coche, asaltaron a punta de pistola os compradores que se desprazaron ata o lugar. Acabaron por roubarlles o diñeiro pactado previamente por Internet, a fío do anuncio do vehículo que ían adquirir.

A este feito seguíronlle outros de similares características en Monforte de Lemos, San Miguel de Donas (León) e Coles (Ourense) durante os últimos meses. En todos eles, a maneira de actuar foi semellante. Os autores, despois de intimidar os compradores con armas de fogo, agredíanos e inmobilizábanos para poder subtraerlles o diñeiro.

OUTROS DELITOS

Ademais dos citados delitos violentos que motivaron a investigación, no transcurso desta púidose constatar tamén a súa participación noutros delitos de estafa e apropiación indebida, consistentes na venda de polo menos 3 furgonetas ou autocaravanas de elevado valor que antes foran alugadas.

Acaba no hospital e sen 20.000 euros tras ser vítima dunha banda de falsos vendedores dun Porsche

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...