Condenan ao dono dun pub de Monforte que ofreceu cocaína á Garda Civil

O home vén de aceptar dous anos de prisión, que segundo o seu avogado non terá que cumprir.

Dous veciños de Monforte, o dono dun pub e un camareiro, aceptaron tres anos e medio de prisión, dous anos e un ano e medio respectivamente, por tráfico de drogas, en concreto de cocaína, que chegaron mesmo a ofrecerlla a axentes da Garda Civil.

Os feitos xulgados remóntanse a marzo de 2018, cando foron detidos no pub. No local, foron localizados sobre oito gramos de cocaína, ademais dunha caixa rexistradora e dous billetes de dez euros. En principio a fiscalía pedía para cada un dos procesados (J.D e J.R.L.P.) sete anos de prisión, pero tras o acordo de conformidade viuse reducida a petición a tres anos e medio.

MULTA DE 2.000 EUROS

Así para o propietario requírense dous anos de cárcere, e para o camareiro un ano e medio. En ambos os casos a multa ascende a 2.000 euros cada un deles. En caso de falta de pagamento compensaríase con dez días de prisión. O avogado do propietario do pub, Anxo Velle, puntualizaba que a rebaixa da condena está relacionada “coa escasa entidade dos feitos, e unha atenuante de dilacións indebidas”.

Tamén constatou que “non” se lles impuxo “indemnizacións” e explicou que non cre que en principio “vaia a haber ningún tipo de problema” e, por tanto, non teñan que chegar a cumprir prisión. “O meu representado non ten antecedentes penais, é unha pena de dous anos e entón cumpre os requisitos para o beneficio da suspensión (de entrada en prisión). Entendo que non ten que haber inconveniente, pero iso tense que decidir na execución da sentenza”, aclarou.

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here