O mal estado das naves do mercado gandeiro de Monforte

O BNG de Monforte levará ao próximo pleno unha proposta para que se realicen os arranxos pertinentes nas instalacións do campo da feira.

Nave do mercado gandeiro en mal estado/BNG Monforte

As instalacións do mercado Gandeiro de Monforte, situadas no campo da feira, precisan unha restauración e acondicionamento. As naves teñen as paredes estragadas polas humidades, roturas nas cubertas e chan en mal estado.

O BNG propoñerá o arranxo destas edificacións para o próximo pleno. Propoñen que despois da súa reparación poidan ser empregadas para albergar aos comerciantes da feira nos momentos nos que a meteorolóxica non sea favorable.

Estado de abandono da nave do antigo mercado gandeiro. Foto: BNG Sul

Propoñerán tamén a creación e xestión dun programa de actividades para os días feirados encamiñadas á potenciación do sector agro-gandeiro da zona, vinculadas a este espazo, unha vez sexa arranxado. Por todo isto van suxerir que se faga un estudio para modificar a actual estructura da feira.

DEIXAR UN COMENTARIO

Please enter your comment!
Please enter your name here