O BNG de Pantón levará ao vindeiro Pleno da Corporación unha moción para solicitar aos gobernos municipal e provincial que procedan con celeridade a rozar os arredores dos viais da súa titularidade.

“Este é un traballo que debían realizar de oficio, e que ademais o aumento do tránsito rodado e de viandantes no periodo estival, así como as condicións meteorolóxicas aumentan a perigosidade tanto de potenciais accidentes como de lumes“, indican os nacionalistas.

“Agardemos que os gobernos municipal e provincial procedan a cumprir coa súa obriga” di a portavoz municipal do bng en Pantón, que non se explica como “persoas que viven aquí non ven que isto é unha necesidade e que tería que estar prevista, pero a planificación é inexistente neste concello e isto tamén afecta ás rozas”.